Estes últimos días frios e despexados de nordeste permitiron voar de novo á aviación aliada.
Os panzer de Feijoinen saíron do bosque ardénico e móstranse vulnerables á aviación inimiga. A operación militar encalla perigosamente baixo a atenta mirada de MAFO, cos seus prismáticos coa marca do Banco de España.
Von Feijoinem segue sen plan B, porque non ‘admite un escenario distinto á fusión’.
El e os seus socios están atrapados nunha bolsa polo recurso de inconstitucionalidade e os tempos do Banco de España: sexa ‘T’ o prazo medio de resolución dun recurso de inconstitucionalidade;
Sexa ‘t’ o prazo concedido por MAFO a Caixagalicia para que atope o seu propio camiño; en terminos militares T>t, tal que T-t=T’; Onde T’ equivale a trompazo. Tanto o Presidente como os seus socios do BNG, vense obrigados a desenmascararse: O que antes só algúns sospeitabamos, agora recoñécese con franqueza e impudicie: a Lei é para dobregar a Gayoso. Para dobregar a Caixanova e levarlla ao Norte.
Puro galeguismo de laboratorio...
Agora virá Rato e será a escabechina do século. Veremos se a Voz de Berlín esixiralle todo o que lle esixiu a Vigo. E veremos se o ridículo alcalde Losada sácalle á rúa todo o que lle prometeu sacar a Abel Caballero; agora veremos o que lle saca ao Sr. Rato.
Verémolo dentro dun rato.
No hay comentarios.:
Publicar un comentario